सिष्टि
ताङस्योक कोन्ज्योक चिकै होगोतक ।कोन्ज्योक लाक्तु सा नामना होता गाङसि खुई लापकि स्युक लाम्ला जोगोतग ।त्या तिङला कोन्ज्योक लाग्तु साबिको लाम्ला मि चिक जोगोतग । होति मि तिला कोन्ज्योक लाग्तु मिजिकि उक कारनारु सोन्बु जोगोतक ।त्यँ तिङला कोन्ज्योक लाग्तु सङदोककि दोङबु नाई नाजोक होता साज्या चिक जोगोतक ।होति नाङना येबु राङ हाखिकि ह्योनान त्यरगान सिङदोक कि दोङबु चिक होगोतक । त्यँ होति मि तिला त्या सिङदोक कि दोङबुकि साज्यारु पोरगोताक ।त्यँ कोन्ज्योक लाग्तु होति मि तिला मागोतक । यि नाई नाजोकदोङबुकि सिङदोकति गाङसि सोना हुङज्याराक ।होति किल्ना होता दोङबुकि सिङदो ति मासा सोराङमानि ख्यो सियाराक सुना मागोतक ।त्यँ तिङला कोन्ज्योक लाक्तु खो चिके दोच्या यबु मिनाङ खोला रोक चिक ज्वान सुना साम्गोतक ।होति मि तिला नित्ला स्योरतु च्युकनारु खुई चिक्मा चिक तोन नारु बुँ चिक जोगोतक होति बुँ तिला खेरनारु मिकि दुन्दु ख्योगोतक । त्यँ होति मि ति मागोतग ओहो खो ता ङाच्योरि नाङ सुना मागोतक त्या च्योरि खोवाला कोन्ज्योक लाग्तु खोरोङ च्योरि जोगोतक । होति गोटोला खोवा च्योरकोक होताकि लाक्तु ङो मिछान च्युगोतग । त्यँ तिङला कोन्ज्योक लाग्तु ख्यालाम्ला फेल्दुङमा सोङ यिना होता नाई नाजाक रिताककि त्याङरु खि आङज्या चि सुना कोन्ज्योक लाग्तु मोलाम तापगोतक । त्यँ तिङला कोन्ज्योक कि जोजोवा गाङबुला ताना जातिकि येबु थोङगोतक ।
