पतन
कोन्ज्योक लाक्तु येबु जम्बुलिङ राङ रिदाक सम्ज्यान त्योवा मोङबु जोगोतक । त्यँ होदी रिदाक सम्ज्या नाईकि जुनग्याल डिगान राङ च्याङबु ति डुल ति होगोतक । डुलति निन्जिक बुँ होता साज्यारु हुङगोतक । त्यँ बुँ ला डिगोतक कोन्ज्योक लाग्तु ख्याला यि ना होता सिङदोक गाङबु मासा माज्याँ ? त्यँ बुँ लाक्तु मागोतक ङायाला यिना होता सिङदोक ति गाङसि सो होति किल्ना होता सिङदोक ति मासा होति सोराङमानि ख्या सियाराक सुना मागोतक ।त्यँ तिङला डुल लाग्तु मागोतक ख्या मिसियाराक होति सिङदोक ति सोराङ मानि ख्या येबु राङ हाखिकि ह्योनान हाक कोनारु कोन्ज्योक च्योरि हुङज्याराक सुना मागोतक । होजुक मा तानि बुँ लाक्तु सिङदोकति सानिन ज्युगोतक ।त्यँ पुमु ति सिङदोक ति टापनारु खोरोङ सोगोतक त्येँ खुई खिमजाङला तात्गोतक त्येँ खिमजाङ पनि सोगोतक। त्यँ होति सिङदोक ति साया न्याबु खोवा च्युगोतक हाता छ्या च्युगोतक ।त्यँ खोवा दोङबु कि लाप तिवा टाप नारु खुईरि लिबिला काप्कोतक । त्या गोतोला खोवा कोन्ज्योक हुङहुङबा खोवाला छ्या च्युगोतक।त्येँ खोवा दोङबुकि ग्यापरु हिपकोदक कोन्ज्योक लक्तु ओ मि ख्या कावा होता सुना मागोतोक। त्येँ मि लाक्तु मागोतक ङा च्योरकोक होत ङा जिक नारु हिपस्योतसुना मागोतक ।त्येँ कोन्ज्योक लाक्तु मागोतक ख्योला च्योरकोक सु माज्यावा ख्योला ङा मासा सत्कान सिङदोकति ख्यो सोवा सुना मागोतक ? त्येँ मि लाक्तु मागोतक कोन्ज्योक लाग्तु खेर हुङगान बुँ ति ङाला ताज्युङ ङा सोराङ सुना मागोतक ।त्येँ कोन्ज्योक लाक्तु बुँ ला मागोतक ख्यो चि च्याबा । बुँ लाक्तु मागोतक ङाला डुल लाग्तु ङाला ज्युगेल डिकच्युङ ङा सोराङ सुना मागोतक।त्येँ कोन्ज्योक लाक्तु डुल ला मन्मु ग्यापकोतक ।ख्यो खि मिजि क्रापला खि ल्युबि ति साबा डुतनारु डोया सुना मागोतक।त्येँ तिङला कोन्ज्योक लाक्तु बुँ ला मागोतक ख्योला काटा केयाला दुक्पु हुङदु छ्युक त्येँ ख्यो खि खिम्जाङ ला स्याक्ताङ खि समरु पोरज्या हुङदु छ्युक ।त्येँ ख्यो खि खिम्जाङ कि आङज्या कि गुक्रु ख्योला दोच्या हुङदु छ्युक सुना मागोतक ।त्येँ कोन्ज्योक लाक्तु पुजा ला मागोतक ख्यो लाक्म्ला यि साज्यारु मन्मु तिकसुनाङ ख्यो छात्पा जाकनारु डुक्पु काक्पु ज्यानारु छात्पा जाकनारु साया हुङज्या ।ख्यो या साबि नाई जोजोवा दाक साबिरु ढेया हुङज्या सुनामागोतक।त्यँ तिङला कोन्ज्योक लाक्तु होति पुजा राङ पुमु तिला पाङमुकि कोलाक कापनारु होति सिङदोक कि साज्या नाईकि खोवाला फिचाला तोन्गोतक ।त्येँ होति पुजा राङ पुमु लाम्ला सन्तन मोङबु फेल्दुङमा फिन्गोतक ।खोवा राङ गत्पु गन्मु लोगिनदु फिनगोतक त्येँ खोराङ नि सिगोतक।
त्येँ खोवा लाक्तु ला कोन्ज्योक कि माना मान्यादा लाक्तु यि जम्बुलिङरु दिक्पा दुक्पु राङ सिया ति त्या नाई कि च्युङसुङ ।
