दाउद
कोन्ज्योक लाक्तु अब्राहमला तेरान सगान साज्याति खुई सन्तन ईजरायलि तिवाला तागोतक । त्ये ईजरायलि तिवा मोङबु फेल्दुङमा फिन्गोतक, खोवा कि नाङना ग्याल्बु मेगोतक । होतिगि लो मोङबु तिङला कोन्जयोककि ङोनछि खेगान मि चिक होतिरु ज्युगोतक । ङोनछि खेगान कि लाखा ति कोनज्योक कि लाप न्यान नारु मिला सगान हिगोतक ।त्ये निजिक इजरायलि तिवा कोन्ज्योक कि ङोनछि खेङगान ला मागोतक ङायाला ह्यानमा ग्याल्सा तिवा च्योरि ग्यल्बु गोवाक सुना मागोतक । त्ये तिङला ङोन्छि खेङगान लाक्तु कोन्ज्योक नाईकि लाप न्याननारु इजरायलि तिवाला मागोतक । ख्याला ग्याल्बु च्युङसुङमानि दुक्पु हुङज्याराक सुना मागोतक ।त्ये इजरायलि तिवा ङयाला ग्याल्बु गोवाक सुना मागोतक। खोवा तिवा मान्यागोतक ङायाला ह्यान ग्याल्सा तिवा च्योरि ग्याल्बु गोवाक सुना मागोतक ।त्ये कोन्ज्योक कि ङोनछि खेन्गान लाक्तु कोन्ज्योक लाप नाइकि लाप न्याननारु इजरायलि तिवाला ग्याल्बु चिक जोनारु तागोतक । त्ये होति ग्याल्बु ति कोन्ज्योक कि माना मान्यागान राङ हाखि लाखा बिगान च्युगोतक ।त्ये कोन्ज्योकला होति ग्याल्बुला सम माथातगोतक ।त्ये कोन्ज्योक लाक्तु खुई रिङ माना न्यागान ह्यान ग्याल्बु चिक जोवान सुना सम्गोतक ।निन्जिक होति ङोन्छि खेन्गान मि तिला कोन्ज्योक लाक्तु मागोतक । बेथलियम सगान साज्यारु ङा लाक्तु मामावा खिमकि परल चिकला ठातु सोङ ।होतिना ङा लाक्तु खुई पुजा चिकला तिङला ईजरायलि कि ग्याल्बु छानि च्यास्योत । खोला खोरोवा मरगु च्युक नारु तिङला ईजरायलि कि ग्याल्बु जो सुना मागोतक । त्ये कोन्ज्योक कि ङोन्छि खेनगान मि ति कोन्ज्योक लाक्तु मामावा खाङबारु फिन्गोतक होति ना पुजा मोङबु होता परल चिक होगतक । त्ये ङोन्छि खेङगान लाक्तु खुइ भूजा तिवाला तागोतक ग्याल्बु हुङहाङ खानि ति खुइ भुजा गान्छे तिला स्यगोतक ।त्ये कोन्ज्योक लाक्तुला मागोतक मादाक ख्या मितिवा खरि राङ लुवी तानारु मि येबु हाखि हाक कोवानचि ङाय मि कि सम तानारु येबु हाखि हाक कोरुक सुना मागोतक । त्ये खूइ पुजा दुनखाराक तागोतक ।होति दुन खाराकला कोन्ज्योक लाक्तु ग्यालबु छानि माज्यागोतक ।त्ये तिङला कोन्ज्योक कि किङोन्छि खेन्गान लाक्तु खुई आयाला मागोतक खि भुजा हजै दा सुना मागोतक । त्ये खोइ आयालाक्तु मागोतक मादाक ङहि भुजा ज्योन्छे ति फई छ्युङमा कि छ्युकजा फिन्छ्योतेराक सुना मागोतक सुना मागोतक । त्ये ङोन्छि खेगान लाक्तु होना खोला खेरनारु स्योक सुना मागोतक । त्ये खुइ आया ति भुजाला खेर नारु हुगोतक त्ये होति भुजा कि मिन ति दाउद हिन्गोतक ।त्ये कोन्ज्योक लाक्तु मागोतक ङा छानि च्य च्यावा ग्याल्बु यादि दाक । होति भुजाकि मिन ति दाउद हिन्गोतक । त्ये कोन्ज्योक कि ङोनछि खेन्गान मि ति लाक्तु मरगु खोरोला च्युक नारु खोला तिङला कि ग्याल्बु जोगोतक ।जोनारु हुङगोतक होति जोगोटोला कोन्ज्योक कि हित दाउद कि सम रु स्युगोतक होति कि लो मोङबु तिङला ङान्मा ग्याल्बु ति सिगोतक । त्ये तिङला दाउद इजरायलि तिवा कि ग्याल्बु ज्युगोतक ।कोन्ज्योक ति दाउद न्याबु होताकि लाक्तु दाउद ति स्युक छ्योबु च्युगोतक । च्युङतानि निन्जिक खो ग्याल्सा ना दात्दाता गोतोला कोन्ज्योक लाक्तु छिका चिक च्यागोतक ।ख्या सिना पनि खि सन्तन चिकनाईकि ग्यल्बु जोवान खुई ग्याल्सा ति नामजिक मिसिनदेयाराक सुना मागोतक।
