येबु समारी कि पे
येशु लाक्तु कोन्ज्योककि काच्या न्यान्बु ति मि तिवाला स्योतुङमा त्ये ह्यामजानकि लाखा बितुङमा ढोवान च्युगोतक ।त्ये निजिक इजरायलि कि छ्योसुमकि ग्ये तिवा येशुला छोत ताया ताप्कि मागोतक। व ग्याला नाम्जिक मिसियान कि मिजि थोपच्याला ङा चि बिच्याराकपा सुना मागोतकपा । त्ये येशुलाक्तु मागोतक हुई कोन्ज्योक कि छ्यो नाईकि ख्योला चि लोप्तुकपा । छ्योसुम कि ग्ये लाक्तु मागोतक खि सम कि दिङ नाईकि खि लिवि नाईकि खि स्युक लाम्ला खि रिक्पा लाम्ला कोन्ज्योकला सम्बा चि ख्यो ख्योरोङ ला निङजि बिगान च्योरि खि तोङपातिवला खि सम कि दिङनाईकि निङजि चि सुना मागोतक ।त्ये छ्योसुमकि ग्ये ति खोरोङला येबु तोज्या ताप्कि येशुला मागोतक । होजुक हिन्नानि ङहि टोङपाति सु दाक्पा सुना मागोतक ।येशुलाक्तु छ्योसुम कि मि तिला पे चिक स्यागोतक ।निजिक इजरायलि कि साज्या नाई कि ह्यान साज्या चिक मि चिक डोवान च्युगोतक । खोला च्याक्पा लाक्तु सिलाक्का टुक्सि दुङनारु लो ताङनारु फिन्गोतक । त्या गोटोला छ्योसुमकि मि छ्योबु चिक त्या लाम्ला डोवान च्युगोतक त्ये खो माथोङबा च्योरि च्यानारु फिन्गोतक ।त्ये तिङला कोन्ज्योक कि छ्योकाङकि स्यापताक डुप्कान मि चिक त्या लाम्ला ढोवान च्युगोतक खो ति माथोङबा च्योरि च्या नारु फिन्गोतक ।त्ये होति तिङला इजरायलि तिवाकि न्यापच्योत बिगान ह्युल कि मि पुँगु खेरनारु त्या लाम्ला ढोवान च्युगोतक । त्ये खो ति होति दुङदुङबा मि तिला थोङ तानि खुई सम नाइ कि निङज्ये नारु होति मि कि दुन्दु फिन्गोतक । त्ये खोला मान च्यानारु खुई पुँगुला काल नारु खिम चिकरु क्यालगोतक ।त्ये तिङमा छउ ति होति खाङदाक तिला ङुल तात्नारु मागोतक । ख्यो तादा होजाई ङुल ति चि खोला गा डोडो टुक्सि तो तोरोङ ङुल माछाङसुङ मानि ङा तिङला लोकनारु हुङगोटोला त्येरान सुना मागोतक। त्ये तिङला येशुलाक्तु मागोतक ।होजुक हिन्ना नि होति मि सुम नाई कि दुङदाक सान मि तिकि टोङबा ति सु दाक्पा सुना मागोतक ? त्ये छ्योसुमकि ग्ये लाक्तु मागोतक खोला निङजि बिगान मि ति । होजुक हिन्नानि ख्योरोङ पनि त्या च्योरि चि सुना येशुलाक्तु मागोतक ।
